काठमाण्डौ । भारतीय ब्याटर विराट कोहलीले एकदिवसीय अन्तर्राष्ट्रिय क्रिकेटमा पूर्वक्रिकेटर सचिन तेन्दुलकरको रेकर्ड बराबरी गरेका छन् ।

आईसीसी एकदिवसीय विश्वकप क्रिकेट अन्तर्गत दक्षिण अफ्रिकासँगको खलमा शतक बनाउँदै कोहलीले एकदिवसीयमा ४९ औँ शतक बनाउँदै तेन्दुलकरसँगको रेकर्ड बराबरी गरेका हुन् । यसअघि एकदिवसीय क्रिकेटमा सर्वाधिक शतक बनाउने रेकर्ड तेन्दुलकरको नाममा थियो । तेन्दुलकरले ४ सय ५२ इनिङ्समा ४९ औँ शतक पूरा गरेका थिए । कोहलीले मात्र २ सय ७७ इनिङ्समा यो उपलब्धि हासिल गरे ।

कोलकाताको इडेन गार्डेन्समा भइरहेको खेलमा कोहलीले १ सय २० बलमा १० चौकाको मद्दतमा शतक बनाए ।