काठमाडौँ । पूर्वराजा ज्ञानेन्द्र शाह यहि महिना कपिलवस्तु जाने भएका छन् । जिल्लाको शिवराज नगरपालिकामा पृथ्वीनारायण शाहको सालिक निर्माण भएकोमा त्यसैको अनावरण गर्न पूर्वराजा शाह पुस १४ गते त्यहाँ जाने भएका हुन् ।

शिवराज नगरपालिकाका अजय थापाको अगुवाइमा शिवराजमा पृथ्वीनारायणको सालिक निर्माण भएको छ ।

नगर प्रमुख थापाले शालिक अनावरणबारे राजाको सचिवालयसंग पनि कुराकानी भइसकेको बताए । ज्ञानेन्द्रको सचिवालयले पनि आगामी हप्ता पश्चिम नेपालमा भ्रमण हुने कुरा विज्ञप्तिमार्फत जनाइसकेको छ।