कपिलवस्तु । कपिलवस्तु उद्योग वाणिज्य संघको आगामी अधिवेशनमा वाणगंगाका ब्यवसायी रमेश चन्द्र भुसाललाई राष्ट्रिय स्वतन्त्र पार्टीबाट उम्मेदवार बन्ने भएका छन् ।

समाचार श्रोतअनुसार भुसालसहित प्यानल नै चुनावमा जाने सहमति भएको छ । यद्यपी पार्टीमा अझै छलफल अझै बाँकी छ । यसअघि लक्ष्मण कँडेललाई अघि बढाउने चर्चा थियो ।
ब्यवसायका क्षेत्रमा अनुभवी र पढेलेखेका भएको हुनाले भुसालमा पार्टी पङ्ती एक ढिक्का रहन सक्ने बताइएको छ । अध्यक्षमा कँडेल पनि सम्भावनामा छन् ।भुसाल त्यस क्षेत्रमा प्राध्यापन र उद्योग ब्यवसाय दुवै क्षेत्रमा सक्रिय छन् । भुसालले पनि आफू अध्यक्षमा लड्ने भनाई राख्दै आएका थिए । तर पार्टी या स्वतन्त्र टुङ्गो थिएन ।

माघ २३ गते संघको अधिवेशन हुँदैछ । भुसालले भए सहमति र नभए चुनाव लड्न आफू तयार रहेको बताए । त्यसको लागि आफू छलफल र प्रचारप्रसारमा लागेको भुसालको भनाई छ ।

नेतृत्व पाए संघलाई अहिलेसम्मकै नमुना संघ बनाउने उनको उद्घोष छ । भुसाल बिभिन्न सामाजिक संघसंस्थामा पनि आवद्ध छन् । नेपाल जेसिजको उनी कार्यकारिणी उपाध्यक्ष भइसकेका ब्यक्ति हुन् ।