पोखरा । क्रिकेटर सन्दीप लामिछानेलाई काठमाडौँ जिल्ला अदालतले ८ वर्ष कैद र ३ लाख जरिवाना सुनाएपछि यसको पवरोध हुन थालेको छ ।

सामाजिक संजालमा सन्दिपमाथि न्याय नभएको भन्ने कतिपयको भनाइमा सहमति जनाउँदै एक जना सांसदले पनि सन्दिपमाथि अन्याय भएको बताएका छन् । किशोरी बलात्कार आरोप लागेका उनलाई बुधवार सजाय सुनाइएको हो ।

फैसलापछि गण्डकी प्रदेशका एक सांसदले सन्दिपलाई बलि चढाइएको बताए । सामाजिक संजालमार्फत् एक स्टाटस लेख्दै ‘बागलुङका सांसद कृष्ण पाठकले सन्दिपलाई फसाइएकोसमेत तर्क गरे । उनले लेखेका छन् ‘एउटा होनहार क्रिकेटरलाई विदेशीहरूको इसारामा बली चढाइयो’ ।

उनको स्ट्याटसमा कसैले समर्थन गरेका छन् भने केहीले विरोध गरेका छन् । पाठक एमालेको समानुपातिक सूचीबाट सांसद बनेका हुन् ।