काठमाडौँ । कपिलवस्तु उद्योग बाणिज्य संघको आगामी चुनाव निकै रोचक बन्ने पक्का भएको छ । माघ २३ गते हुने संघको अधिवेशन मिति नजिकै आउँदा सार्वजनिक प्यानलका उम्मेदवारको अनुहार हेर्दा चुनाव कडा र रोचक हुने देखिएको हो । काँग्रेस–माओवादी प्यानल सार्वजनिक भइरहँदा एमाले समर्थित ब्यवसायिको प्यानल अझै सार्वजनिक भएको छैन ।

अपिटाईम्सले प्राप्त गरेको समाचार अनुसार एमाले समर्थित् प्यानलमा नयाँ र फ्रेस अनुहार आउने सम्भावना छ । यसैबीचमा अटो ब्यवसायी नारायण पौडेल पनि आगामी चुनावमा होमिने भएका छन् । बाणिज्य उपाध्यक्ष पदमा आफ्नो उम्मेदवारी पक्का भएको पौडेलले विहिाबार साँझ अपिटाइम्सलाई बताए ।

कपिलवस्तुमा अटो क्षेत्रमा १७ बर्ष विताएका पौडेल सबैका प्रिय ब्यवसायी मानिन्छन् । ज्ञानपुञ्ज बोर्डिङ स्कुलको अध्यक्ष रहेका उनी अटोमोबाइल्स अफ एसोसियसन नाडा लुम्बिनी प्रदेशको सह–कोषाध्यक्ष छन् ।

ब्यवसायीको आधिकारिक संस्थामा बसी ब्यवसायिकै पक्षमा रहेर काम गर्ने इच्छा रहेकाले अहिले संघको बाणिज्य उपाध्यक्षमा उठ्ने निधो गरेको उनले सुनाए । सबैबाट आफूलाई सहयोग पुग्नेमा पौडेलको विशवास छ । यता पौडेलको प्रतिद्वन्दीमा काँग्रेस, माओवादी प्यानलका घनश्याम अधिकारी रहेका छन् ।