काठमाडौँ । पत्रकार भुपाल थापा ५० हजार रुपैयाँ राशीको ‘सिर्जनशिल पत्रकारिता पुरस्कार २०८०’ बाट विभुषित भएका छन् । लुम्बिनी प्रदेश सरकारले आफ्नो स्थापना दिवसको अवसर पारेर कपिलवस्तुमा सक्रिय पत्रकार थापालाई उक्त पुरस्कार प्रदान गरेको हो ।

थापा रेडियो परिवर्तन कपिलवस्तुका स्टेसन म्यानेजर तथा पालिका पत्र अनलाइनका प्रधान सम्पादकको रुपमा कार्यरत छन् ।

थापाले यस पुरस्कारले आफ्नो पेशामा थप सिर्जनशिल बनाउन प्रेरित गरेको भन्दै छनौट समिति र प्रदेश सरकारलाई धन्यबाद दिए ।

थापाले पालिका तथा प्रदेश गतिविधि केन्द्रित समाचार लेखनमा रुची राख्छन् ।